Malayalam Movie Reviews

ബോംബ് വെച്ച് നൂറുകണക്കിനാളുകളെ കൊന്ന ഒരു ഭീകരന്‍റെ രേഖാചിത്രം പത്രങ്ങളിലും ടി. വി. യിലും തെളിയുകയാണ്. ആ ചിത്രത്തിന്, മര്യാദക്കാരനായി ജീവിക്കുന്ന നിങ്ങളുടെ മുഖവുമായി സാദൃശ്യമുണ്ടെങ്കിലോ? ടി. എ. റസാക്ക് എഴുതി, സുന്ദര്‍ദാസ് സംവിധാനം ചെയ്തിരിക്കുന്ന പുതിയ സിനിമയുടേതാണ് സുന്ദരമായ ഈ plot.

സത്യസന്ധമായി, ധൈര്യപൂര്‍വ്വം ജോലി ചെയ്യുന്നതു കൊണ്ട് തന്‍റേടിയായ സബ് ഇന്‍സ്പെക്ടര്‍ ഉണ്ണിക്കൃഷ്ണനും അദ്ദേഹത്തിന്‍റെ കുടുംബത്തിനും ഒരുപാട്  ബുദ്ധിമുട്ട് അനുഭവിക്കേണ്ടി വരുന്നു. കഥയില്‍ കഞ്ചാവ് കച്ചവടക്കാരുണ്ട്, അഴിമതിക്കാരായ രാഷ്ട്രീയക്കാരുണ്ട്, വൃത്തികെട്ട പൊലീസ് ഉദ്യോഗസ്ഥരുണ്ട്, TV ജേര്‍ണലിസ്റ്റായ കാമുകിയുണ്ട്. നായകന്‍ തെറി പറയുന്നുണ്ട്, വ്യഭിചാരികളെ അറസ്റ്റ് ചെയ്യുന്നുണ്ട്, CD കട റെയ്ഡ് ചെയ്യുന്നുണ്ട്, ഒടുവില്‍ വില്ലന്മാരെയൊക്കെ കൊന്നൊടുക്കുന്നുമുണ്ട്. മമ്മൂട്ടി C. I. ആയും, സുരേഷ് ഗോപി IPS-കാരനായും ചെയ്തത് ഇവിടെ പൃഥ്വിരാജ് S. I. ആയി ചെയ്യുന്നു എന്നു മാത്രം. [...]

രാജീവനും ( സുരേഷ് ഗോപി ) വിജയലക്ഷ്മിയും ( ലക്ഷ്മി ഗോപാലസ്വാമി )  വീട്ടുകാരുടെ എതിര്‍പ്പ് അവഗണിച്ച് പ്രേമവിവാഹിതരായവരാണ്. നാലു വര്‍ഷം കഴി‌ഞ്ഞ്, കുട്ടിക്ക് മൂന്നു വയസ്സുളളപ്പോള്‍ അവര്‍ വിവാഹബന്ധം നിയമപരമായി വേര്‍പെടുത്തി. എന്നാലും അവര്‍ ഇപ്പോഴും പരസ്പരം കാണാറുണ്ട്, ഇഷ്ടപ്പെടുന്നുണ്ട്. വീട്ടുകാരവരെ വേറെ വിവാഹം കഴിക്കാന്‍ നിര്‍ബന്ധിക്കുന്നു; വിവാഹാലോചനകള്‍ നടത്തുന്നു. ഒടുവില്‍… ഹൊ! വേണ്ട! ഇത്രക്ക് fresh ആയ കഥയുടെ അന്ത്യം പറ‌ഞ്ഞ് ഞാനായിട്ട് suspense കളയുന്നില്ല! ഹരികുമാര്‍ ആണ് സംവിധായകന്‍.

“ടീച്ചര്‍” എന്നു വിളിക്കപ്പെടുന്ന നല്ലവരായ ഒരു സ്ത്രീ കുറെ അനാഥക്കുട്ടികളെ എടുത്തു വളര്‍ത്തുന്നു. വയസ്സായ അവരെ അധോലോകം വകവരുത്തുന്നു. വളര്‍ത്തുമക്കളായ നാലു പേര്‍ ചേര്‍ന്നു അതിനു പകരം ചോദിക്കുന്നു. ഇതാണ് അമല്‍ നീരദ് എന്ന പുതിയ സംവിധായകന്‍ പറയുന്ന കഥ. ( Four Brothers എന്ന സിനിമ കണ്ടിട്ടുണ്ടോ ആരെങ്കിലും? )

ജീവിതത്തിന്‍റെ അര്‍ത്ഥമന്വേഷിക്കാനുള്ള ശ്രമമൊന്നുമല്ല ഇത്തരം സിനിമകള്‍ എന്നറിഞ്ഞുകൊണ്ടു തന്നെയാണ് ഈ ജോഷി ചിത്രം കണ്ടത്. എന്നാലും ഒരു മിനിമം നിലവാരമെങ്കിലും 2006 - ല്‍ ഇറങ്ങുന്ന ഒരു പടത്തിനു വേണ്ടേ? പക്ഷെ കാലാകാലങ്ങളായി സംവിധാനം ചെയ്തു പരിചയമുള്ള ജോഷി, പഠിച്ചു പഠിച്ചു പണിക്കരായ കാഴ്ചയാണ് കാണാനാവുക.