Malayalam Movie Reviews

ജയഭാരതി തീയറ്റേഴ്സിന് വേണ്ടി നാടകം എഴുതുന്നത് ഷേക്സ്പിയര്‍ പവിത്രനാണ് ( ജയസൂര്യ ). അനേകം പുരസ്കാരങ്ങള്‍ നേടിയിട്ടുളള അദ്ദേഹം ഇപ്പോള്‍ writer’s block അനുഭവിച്ച് കൊണ്ടിരിക്കുകയാണ്. ജയഭാരതി തീയറ്റേഴ്സിന് ഉടനെ ഒരു പുതിയ നാടകം വേണം താനും. തീയറ്ററുകാര്‍ പവിത്രനെ ഒരു നാട്ടിന്‍പ്രദേശത്ത് കൊണ്ടുപോയി താമസിപ്പിക്കുന്നു, എഴുതുവാനായി.

നമ്മിളിതുവരെ കേട്ടിട്ടില്ലാത്ത കഥയാണ് ആദ്യപകുതിവരെ. ശിരുവാണി എന്ന പുഴയുടെ അടിത്തട്ടില്‍ സ്വര്‍ണ്ണമുണ്ട്. പക്ഷെ അതെടുക്കുന്നത് അപകടം പിടിച്ച പണിയാണ്, അതിനൊരുങ്ങിയ പലരും മരിച്ചിട്ടുണ്ട്. എന്നാല്‍ ദിവാകരന്‍ ( കലാഭവന്‍ മണി ) മുങ്ങിയാല്‍ നിധി തീര്‍ച്ചായായും കിട്ടുമെന്ന് അവന്‍റെ വയസ്സായ അമ്മ വിശ്വസിക്കുന്നു. പക്ഷെ ദിവാകരന് അതില്‍ താല്‍പര്യമില്ല, അവന് അദ്ധ്വാനിച്ച് ജീവിക്കാനാണ് ഇഷ്ടം.

ആന്ദ്രേ ബസാന്‍ എന്ന ഫ്രഞ്ച് film theorist-നെ കടുത്ത സിനിമാപ്രേമികള്‍ക്ക് അറിയാം. Appreciative criticism എന്ന ഒരു ആശയം അദ്ദേഹം മുന്നോട്ട് വെച്ചിരുന്നു. അതായത്, ഒരു സിനിമ ഇഷ്ടപ്പെടുന്നവര്‍ മാത്രം ആ ചിത്രത്തെക്കുറിച്ച് നിരൂപണം എഴുതുക. Constructive ആയുളള criticism പ്രോഹത്സാഹിപ്പിക്കാനാണ് അദ്ദേഹം ഇങ്ങനെ പറഞ്ഞത്. ആ തിയറി ഞാന്‍ പിന്തുടര്‍ന്നാല്‍ ഈ സൈറ്റ് നടത്തേണ്ടി വരില്ല.

ഒരു ബെന്‍സ് വാങ്ങുകയോ ഒരു ബംഗ്ലാവ് പണിയുകയോ ചെയ്താല്‍ അപ്പൊ വരും ആദായ നികുതി ഉദ്യോഗസ്ഥര്‍. ന്യായമാണ്. ഉദ്യോഗസ്ഥരേ, ഇനി ആരെങ്കിലും സിനിമ നിര്‍മ്മിച്ചാലും ഉടനെ അവരുടെ സ്ഥാപനങ്ങള്‍ റെയ്ഡ് ചെയ്യണം. ഇത് പോലെയുളള ചിത്രങ്ങളെടുത്ത് വെറുതേ പണം കളയാന്‍ സാധിക്കുന്നവരുടെ വരുമാനം എന്താണെന്ന് നമുക്കറിയണമല്ലോ.

വിജയന്‍ ഈസ്റ്റ് കോസ്റ്റ് കഥയെഴുതി സംവിധാനം ചെയ്ത ഈ ചിത്രത്തിലെ നായകന്‍ ജയറാം ആണ്. അശോകും ശശിയുമാണ് തിരക്കഥ തയ്യാറാക്കിയിരിക്കുന്നത്. ഒരു സിനിമയുടെ - അല്ലെങ്കില്‍ ഏതൊരു കലയുടേയും - പ്രാഥമികമായ കര്‍ത്തവ്യം നമ്മളെ രസിപ്പിക്കുക എന്നുളളതാണല്ലോ. അത് വേണ്ടുവോളം ഈ സിനിമ ചെയ്യുന്നുണ്ട്.

ജോസ്കുട്ടി ( പൃഥ്വിരാജ് ) M. Com-കാരനാണെങ്കിലും പ്രാരാബ്ദങ്ങള്‍ കാരണം ഓട്ടോറിക്ഷ ഓടിക്കുകയാണ്. അയാള്‍ സാമ്പത്തികമായ ‌ഞെരുക്കം മൂലം, ഒരു കുട്ടിയുളള, പണക്കാരിയായ ഒരു സ്ത്രീയെ വിവാഹം കഴിക്കാന്‍ തയ്യാറാവുന്നതും തുടര്‍ന്നുളള സംഭവവികാസങ്ങളുമാണ് സിനിമ. അനില്‍ രാജിന്‍റെ ഈ കഥ തിരക്കഥയാക്കിയിരിക്കുന്നത് ജെ. പളളാശ്ശേരി. രാജ് ബാബുവാണ് സംവിധായകന്‍. ഇവര്‍ക്കാര്‍ക്കും തന്നെ, കഥയില്‍ എന്തെങ്കിലുമൊരു യുക്തി വേണമെന്ന് നിര്‍ബന്ധമില്ല എന്ന് തോന്നുന്നു. ഒന്നുരണ്ട് ഉദാഹരണങ്ങള്‍ പറയാം, പക്ഷെ കഥയിലെ ചില പ്രധാന ‘twist’കളെക്കുറിച്ച് പരാമര്‍ശിക്കേണ്ടിവരും. സിനിമ കാണുന്നതിന് [...]

ചന്ദ്രമൌലി ( മോഹന്‍ലാല്‍ ) പ്രഗത്ഭനായ percussion കലാകാരനാണ്. അയാള്‍ ഒരു ഗായികയുമായി പ്രണയത്തിലാവുന്നതും, അവളെ കിട്ടുവാനായി കാട്ടിക്കൂട്ടുന്ന വിക്രിയകളുമാണ് കഥ. രഞ്ജിത്ത് എഴുതി സംവിധാനം ചെയ്ത ഈ സിനിമ അദ്ദേഹം അടുത്തകാലത്തിറക്കിയ മറ്റു തട്ടുപൊളിപ്പന്‍ സാധനങ്ങളെപ്പോലെ തീരെ മോശമല്ല.

ഒരു ഷക്കീലച്ചിത്രം കണ്ടിട്ട് അതില്‍ അശ്ലീലമുണ്ട് എന്ന് പരാതിപ്പെടുന്നത് പോലെയാണ് ഒരു വിനയന്‍ സിനിമ കണ്ടിട്ട് അത് മോശമാണെന്ന് പറയുന്നത്. ഒരുപക്ഷെ മലയാളികള്‍ ഏറ്റവും കൂടുതല്‍ ഭയക്കുന്നത് വിനയന്‍ എന്ന പേരായിരിക്കും. സംവിധാനം വിനയന്‍ എന്ന് പറഞ്ഞാല്‍ “അയ്യോ!!!”  എന്നായിരിക്കും മിക്കവരുടേയും സ്വാഭാവിക പ്രതികരണം. നാലാംകിട ചിത്രങ്ങള്‍ ഒന്നിന് പുറകേ ഒന്നായി പടച്ചുവിടുകവഴി അദ്ദേഹം ഇത്തരമൊരു അഭിപ്രായം മാറ്റിയെടുക്കാന്‍ ഒട്ടും ശ്രമിക്കുന്നുമില്ല.

പണ്ടത്തെ മലയാളം soft porn ചിത്രങ്ങളെ ഓര്‍മ്മപ്പെടുത്തുന്ന ആദ്യപകുതി, ഒരു പ്രശസ്ത ആശുപത്രി ഉടമയായ അപര്‍ണ്ണയെ  ( ലക്ഷ്മി ശര്‍മ്മ ) ചുറ്റിപ്പറ്റിയാണ്. അപര്‍ണ്ണയുടെ മരണം ഒരു പൊലീസ് ഉദ്യോഗസ്ഥന്‍ ( ശ്രീനിവാസന്‍ ) അന്വേഷിക്കുന്നതാണ് രണ്ടാം പകുതി. കെ. കെ. സുധാകരന്‍റെ കഥ തിരക്കഥയാക്കിയിരിക്കുന്നത് ഡെന്നിസ് ജോസഫ്. സംവിധാനം ജി. എം. മനു.

പണ്ടൊക്കെ ഞാന്‍ കരുതിയിരുന്നത് കുഴപ്പം എന്‍റെയാണ് എന്നാണ്. നമ്മുടെ വാഴ്ത്തപ്പെടുന്ന ‘art’ പടങ്ങള്‍ കണ്ടിട്ട് ബോറടിക്കുന്നത്, എനിക്ക് വിവരമില്ലാത്തതുകൊണ്ടാണെന്ന് ന്യായമായും ഞാന്‍ കരുതി. ഇന്നലെ, തകഴി ശിവശങ്കരപ്പിളളയുടെ നാല് കഥകളെ അടിസ്ഥാനപ്പെടുത്തി, അടൂര്‍ ഗോപാലകൃഷ്ണന്‍ എഴുതി സംവിധാനം ചെയ്ത ‘നാല് പെണ്ണുങ്ങള്‍’ കണ്ടപ്പോള്‍ ഒരു കാര്യം മനസ്സിലായി - എനിക്ക് പ്രത്യേകിച്ച് പ്രശ്നങ്ങളൊന്നുമില്ല എന്ന്.